विशेष संवर्ग शिक्षक भाग १ निकष व बदली प्रक्रिया कार्यपद्धती

विशेष संवर्ग शिक्षक भाग १ निकष 

शासनाचे निश्चित केलेल्या नवीन जिल्हा अंतर्गत धोरणानुसार  संवर्ग १ मध्ये खालील शिक्षक विशेष संवर्ग भाग  १ म्हणून ओळखले जातील .

 1.8.1  पक्षाघाताने आजारी शिक्षक (paralysis)

 1.8.2  दिव्यांग शिक्षक (सामाजिक न्याय व विशेष सहाय्य विभागाच्या शासन निर्णय दिनांक 14 -1 -2011                    मधील नमूद प्रारूप प्रमाणे सक्षम प्राधिकारी याचे प्रमाणपत्र आवश्यक)

            मानसिक विकलांग मुलांचे व दिव्यांग मुलांचे पालक (पालक म्हणजे आई-वडील किंवा ते नसल्यास                    बहिण भाऊ) तसेच ज्या शिक्षकांचे जोडीदार मानसिक विकलांग व दिव्यांग आहेत असे शिक्षक 

1.8.3   हृदय शस्त्रक्रिया झालेली शिक्षक 

1.8.4  जन्मापासून एकच मूत्रपिंड (किडनी) असलेले / मूत्रपिंड रोपण केलेले शिक्षक/ डायलिसिस सुरू असलेले            शिक्षक 

1.8.5  यकृत प्रत्यारोपण झालेले शिक्षक 

1.8.6  कॅन्सरने (कर्करोग) आजारी शिक्षक

1.8.7  मेंदुचा आजार झालेले शिक्षक 

1.8.8  थॅलेसेमिया विकार ग्रस्त  मुलांचे पालक / जन्मजात गुणसूत्रांच्या दोषांमुळे उद्भवणारे आजार (उदाहरणार्थ             methyl malonic acidemia (MMA) classical type )(mutase defiency व इतर आजार) (पालक            म्हणजे आई-वडील किंवा ते नसल्यास बहिण भाऊ) 

1.8.9  माजी सैनिक तसेच आजी / माजी सैनिक व अर्धसैनिक जवानांच्या पत्नी / विधवा 

1.8.10 विधवा शिक्षक 

1.8.11  कुमारिका शिक्षक 

1.8.12 परितक्त्या / घटस्फोटित महिला शिक्षक 

1.8.13  वयाची 53 वर्षे पूर्ण झालेले शिक्षक

1.8.14 स्वातंत्र्य सैनिकाचा मुलगा / मुलगी / नातू / नात (स्वातंत्रसैनिक हयात असेपर्यंत)

 खालील आजाराने ज्या शिक्षकांचे जोडीदार व्याधिग्रस्त आहेत असे शिक्षक

 

1.8.15  हृदय शस्त्रक्रिया झालेली 

1.8.16 जन्मापासून एकच मूत्रपिंड (किडनी) असलेले / मूत्रपिंड रोपण केलेले कर्मचारी / डायलिसिस सुरू                      असलेले  

1.8.17  यकृत प्रत्यारोपण झालेले 

1.8.18 कॅन्सरने (कर्करोग) आजारी असलेले 

1.8.19  मेंदूचा आजार झालेले

1.8.20  थॅलेसेमिया विकार ग्रस्त असलेली

४.२ संवर्ग १ बदली प्रक्रिया कार्यपद्धती 

 4.2.1  टप्पा क्रमांक एक प्रमाणे कार्यवाही पूर्ण झाल्यानंतर सुधारित रिक्त जागांची यादी जाहीर करण्यात येईल व विशेष संवर्ग एक शिक्षकांना त्यांच्या पसंतीक्रम भरण्यासाठी चार दिवसांचा अवधी देण्यात येईल तद्नंतर विशेष संवर्ग शिक्षक भाग-1 यांच्या बदल्या करण्यात येतील. 

4.2.2 विशेष संवर्ग १ मध्ये  शिक्षकांना केवळ त्यांच्या विनंती वरूनच बदली देण्यात येईल. या विशेष संवर्गातील शिक्षकांना बदली नको असेल तर मात्र त्यांचे नाव बदलीस पात्र शिक्षकांच्या यादीत आले असल्यास त्यांनी  विवरण पत्र क्रमांक 3 मध्ये स्वयंघोषित प्रमाणपत्र देणे आवश्यक राहील.

 4.2.3 विशेष संवर्ग १ अंतर्गत बदली साठीचा विनंती बदलीसाठी चा प्राधान्यक्रम हा विषय संवर्ग शिक्षकांच्या वरील व्याख्येमध्ये नमूद केलेल्या क्रमवारी नुसार  राहील.

 4.2.4  एखाद्या विशिष्ट संवर्गा मध्ये अनेक कर्मचाऱ्यांनी विनंती  बदली मागितली असल्यास त्यांच्या सेवाजेष्ठता विचारात घेऊन ज्येष्ठ कर्मचाऱ्यास प्रथम बदली अनुज्ञेय राहील. 

4.2.5 सेवाजेष्ठता समान असल्यास वयाने ज्येष्ठ असणाऱ्या कर्मचाऱ्यास प्राधान्याने बदली अनुज्ञेय राहील.

 4.2.6 या संवर्गातील शिक्षकांचे बदल्यांसाठी प्राधान्यक्रम नुसार यादी तयार करण्यात येईल. या यादीच्या आधारे बदली करताना शिक्षकांचा पसंतीक्रम विचारात घेऊन ज्या शाळांमध्ये बदलीपात्र शिक्षक उपलब्ध असतील त्या शाळेत प्राधान्यानुसार शिक्षकांची बदली करण्यात येईल.जर एखादा विशेष  संवर्ग शिक्षकांना त्याच्या पसंतीप्रमाणे एकाही शाळेमध्ये तेथे बदलीपात्र शिक्षक उपलब्ध नसल्याने बदली देता आली नाही तर त्याची बदली होणार नाही. 

4.2.7  विशेष संवर्ग भाग एक अंतर्गत एकदा बदलीचा भाग घेतल्यानंतर संबंधित शिक्षकांना पुढील तीन वर्ष विनंती बदलीसाठी अर्ज करता येणार नाही.  

4.2.8 विषय संवर्ग भाग 1 मध्ये गणले जाण्यासाठी संबंधित शिक्षकांनी त्याबाबतचे सक्षम प्राधिकारी याचे प्रमाणपत्र अर्जासोबत सादर करणे अनिवार्य राहील सदरच्या अर्जाच्या पात्र ते बाबत संबंधित गटाचे गटविकास अधिकारी गटशिक्षणाधिकारी व तालुका आरोग्य अधिकारी यांची समिती निर्णय घेईल.

(संदर्भ : जिल्हा अंतर्गत बदली नवीन GR दि ७ एप्रिल २०२१ )