संवर्ग ४, बदलीस पात्र शिक्षक व्याख्या,बदली प्रकिया व कार्यपद्धती

बदलीस पात्र शिक्षक व्याख्या  (संवर्ग ४ )

        बदली जिल्हांतर्गत बदली च्या नवीन धोरणामध्ये बदलीस  पात्र शिक्षकाची नवीन व्याख्या केली आहे .ज्याला आपण संवर्ग ४ म्हणतो .

             बदलीपात्र शिक्षक म्हणजे ज्या शिक्षकांची सर्वसाधारण क्षेत्रात बदलीसाठी निश्चित धरावयाची सलग सेवा दहा वर्षे पूर्ण झालेली आहे आणि विद्यमान शाळेत सदर शिक्षकाची  सेवा पाच वर्षे पूर्ण झालेली आहे असे शिक्षक. तथापि, अवघड क्षेत्रातील शाळांमध्ये रिक्त असलेली पदे भरावयाची झाल्यास सर्वसाधारण क्षेत्रात दहा वर्षे पूर्ण झालेल्या शिक्षकांना विद्यमान शाळेतील पाच वर्षे सेवेची अट लागू राहणार नाही. अवघड क्षेत्रातील रिक्त जागा प्राधान्याने भरणे आवश्यक असल्याने सेवाजेष्ठता विचारात घेऊन सर्वसाधारण क्षेत्रात दहा वर्षे पूर्ण सेवा केलेल्या शिक्षकांना वास्तव्य जेष्ठते प्रमाणे आवश्यकतेनुसार अवघड क्षेत्रांमध्ये बदली करून पदे स्थापित करण्यात येईल.

( बदलीस पात्र शिक्षकांसाठी अवघड क्षेत्रासाठीचा वरील उल्लेख देखील खूप महत्वाचा आहे )  

 टप्पा क्र ५ :  बदलीस पात्र शिक्षकांची (संवर्ग  ४ ) बदली करण्याची कार्यपद्धती (४.५)

 4.5.1  टप्पा क्रमांक 1, 2, 3, व 4 मध्ये नमूद केलेल्या कार्यपद्धतीमुळे बदली होत असलेले व बदलीपात्र शिक्षक यांची एक जेष्ठता यादी जिल्हा परिषदेतील एकूण सेवा विचारात घेऊन करण्यात येईल. सुधारित रिक्त जागांची यादी जाहीर करण्यात येईल व शिल्लक शिक्षकांना त्यांचा पसंतीक्रम भरण्यासाठी चार दिवसांचा अवधी देण्यात येईल. 

4.5.2  सेवाजेष्ठता समान असल्यास वयाने ज्येष्ठ असणाऱ्या कर्मचाऱ्यास बदली प्राधान्याने अनुज्ञेय राहील.

 4.5.3  या यादीतील शिक्षकांच्या त्यांच्या प्राधान्यक्रमाने व त्यांच्या पसंतीनुसार बदल्या करण्यात येतील, परंतु या शिक्षकांची बदली ही ते ज्या शाळेत जाण्यास इच्छुक आहेत. त्या शाळेत ठेवायचा रिक्त जागा सोडून अन्य रिक्त जागा असतील त्याच रिक्त पदांवर बदली होऊ शकते. 

4.5.4 या शिक्षकांनी पसंतीक्रम प्राधान्यक्रम दिल्यास व वरील प्रमाणे बदली होत असल्यास उपलब्ध होणाऱ्या पदावर त्यांची बदली नियुक्ती केली जाईल. 

4.5.5  सर्व शिक्षकांना किमान तीस अथवा टप्पा क्रमांक 4 ची बदली प्रक्रिया पूर्ण झाल्यानंतर रिक्त असलेल्या जागांचा पासून पसंतीक्रम देणे अनिवार्य राहील.

विस्थापित शिक्षक 

       टप्पा क्र ५ म्हणजेच बदली पात्र शिक्षकांच्या बदल्या झाल्यानंतर ज्या शिक्षकांना शाळा मिळणार नाहीत ते शिक्षक विस्थापित शिक्षक म्हणून गणले जातील . अशा विस्थापित शिक्षकांसाठी अजून एक शेवटची संधी दिली जाईल .

        शिक्षकांसाठीचा  शेवटचा  टप्पा क्रमांक पाच पूर्ण झाल्यानंतर सुधारित रिक्त जागांची यादी जाहीर करण्यात येईल व टप्पा क्रमांक 5 मधून उरलेल्या शिक्षकांना त्यांना पसंती क्रमामध्ये बदल करण्यासाठी चार दिवसांचा कालावधी देण्यात येईल. टप्पा क्रमांक पाच नुसार सर्वांची सेवाज्येष्ठता व पसंतीक्रमानुसार बदली करण्यात यावी. सर्व शिक्षकांना किमान तीस अथवा टप्पा क्रमांक पाच बदली प्रक्रिया पूर्ण झाल्यानंतर रिक्त असलेल्या जागांचा पसंतीक्रम देणे अनिवार्य राहील. या विस्थापित शिक्षकांनी पसंती प्राधान्यक्रम न दिल्यास किंवा त्यांच्या प्राधान्यक्रमात प्रमाणे जागा उपलब्ध नसल्यास वरील प्रमाणे बदली होत असल्यास उपलब्ध होणाऱ्या पदावर त्यांची बदलीने नियुक्ती केली जाईल.